ده موضوع بقاله فترة بيعدى عليا فى كل مكان
سواء مدرسه او درس او جيران او مع اصحاب او...او
الظاهرة دى رجعت من تانى بس رجعت بطريقه جديده
فى الاول كانت بغير رضى البنت
و كان بيبقى عبارة عن تجارة
لكن دلوقتى .........
انا باشووف بنات عندهم 15 او 14 سنه و مخطوبين
!!!!!!!!!!!!!!!!!!!!!
و بيكون براضهم و بيكونوا مبسوطين اوووووى
ده معناه ايه ؟؟؟
مراهقه ؟؟ او تسليه ؟؟
طيب فين دور الاهل فى الموضوع ده
ممكن نقول مثلا البنت بيكون شكلها كبير و يبان عليها معالم الانوثه
بس اللى انا شوفته (كل البنات اللى شوفتهم بالوضع ده )
بيكون جسمهم جسم (عيال) مافيش فيه اى حاجه من معالم الانوثه
و لو قولنا طيب الشباب بياخدوا الموضوع ده تسليه
طيب تبرروا بايه
ان من ضمن الحالات دى مدرس عندى عنده حوالى 28 سنه و خطب بنت من تالته اعدادى
و هى مبسوطه اووووووووى
يعنى مش حد غاصب عليها و لا حاجه
و لو تيجوا تشوفوا الاتنين جنب بعض تحسوا فعلا انه ابوها
مش خطيبها !!
يعنى ده راجل عاقل و محترم و قدوه
و كمان مش واخد الموضوع تسليه ده اشترى الشقه و بيجهز نفسه دلوقتى كمان
طيبالبنت دى مش عارفه انها هاتوصل لسن معين تلاقى ان فعلا ده هايبان عليه الكبر و العجز و هى لسه شباب ؟؟
ــــــــــــــــــــــــــــــــــــ
و كمان البنات و الاهالى دول بيحسبوها ازاى؟؟؟؟؟
لما سالت عن رايهم
اللى تقولى اصل ده نصيب و مكتوبلى
و اللى تقولى اصلى بحبه !!!
و اللى تقولى مش كده كده هاتجوزه ؟ يبقى فرقت ايه دلوقتى من لما اكبر؟؟
مع العلم ان كل دول منهم اللى اتشرط عليها تسيب التعليم و اللى شرط الجواز يكون بعد الثانوى
!!!!!!!!!!!!!!!!!!!!!!!!!!
دى كاااااااااااااااارثه
هى دى موضه بتحصل بس مع اختلاف معالم الزمن بتتغير ؟؟
يعنى الاول كان بالغصب دلوقتى بقت بالرضا يعنى ؟؟؟
طيب هم مش عارفين المخاطر اللى ممكن تحصل بسبب الموضوع ده ؟؟
فين العقل يا اصحاب العقول ؟؟؟؟؟
انا باستغرب جدا الموضوع ده
انى مثلا اكون عند واحده جارتى اتفاجأ بانها بتقولى انا جايبالك عريس !!!!
انا عن نفسى اهو عندى حوالى 17 سنه بس شايفه ان ده لسه سن عيالى اووووووى
يعنى انا لسه ما عيشتش حياتى
و لا حتى عندى العلم اللى اقدر اربى بيه اولادى
و كمان اتصدمت لما عرفت ان سن الجواز بقى ممكن من 18 سنه !!!!!!!!!!!!!!!!!!!
ازاى يعنى ؟؟؟؟
الكلام ده انتم رايكم فيه ايه ؟؟؟
يا ريت تقولولى رايكم و كمان لو حد عنده موضوع مشابه يحكيه
شعب مصر ده غرييب بكل المعانى